ಕವಿತಾಳ :-ಸರ್ಕಾರಿ ಬಾಲಕರ ಪ್ರೌಢಶಾಲೆಯಲ್ಲಿ ನೂತನ ಎಸ್ ಡಿ ಎಮ್ ಸಿ ರಚನೆ 

ಶಾಲಾ ಅಭಿವೃದ್ಧಿಗೆ ಪ್ರಾಮಾಣಿಕ ಸೇವೆ ನೀಡುವೆ -ಖಮರಸಾಬ 

ಪ್ರಜಾಪರ್ವವಾರ್ತೆ. ಕವಿತಾಳ 

ಮಕ್ಕಳ ಶೈಕ್ಷಣಿಕ ಹಾಗೂ ಪಾಲಕರ ಹಿತದೃಷ್ಠಿಯಿಂದ ಶಾಲಾ ಅಭಿವೃದ್ಧಿ ಮಾಡಲು ಪ್ರಾಮಾಣಿಕ ಸೇವೆ ನೀಡುವೆ ಎಂದು ಸರ್ಕಾರಿ ಬಾಲಕರ ಪ್ರೌಢಶಾಲೆ ನೂತನ ಎಸ್ ಡಿ ಎಮ್ ಸಿ ಅಧ್ಯಕ್ಷ ಖಮರಸಾಬ ಹೇಳಿದರು.

ರಾಯಚೂರು ಜಿಲ್ಲೆಯ ಸಿರವಾರ ತಾಲೂಕಿನ ಕವಿತಾಳ ಪಟ್ಟಣದ ಸರ್ಕಾರಿ ಬಾಲಕರ ಪ್ರೌಢಶಾಲಾ ಆವರಣದಲ್ಲಿ ಶನಿವಾರದಂದು ಏರ್ಪಡಿಸಿದ್ದ ನೂತನ ಎಸ್ ಡಿ ಎಮ್ ಸಿ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿ ಮಾತನಾಡಿದ ಅವರು ಸರ್ಕಾರಿ ಬಾಲಕರ ಪ್ರೌಢಶಾಲೆಯ ಸುಮಾರು ಒಂಬತ್ತು ಜನ ಪಾಲಕ ಪೋಷಕರು ಒಟ್ಟಾಗಿ ಸೇರಿ ನನನ್ನು ನೂತನ ಅಧ್ಯಕ್ಷರಾಗಿ ಮಾಡಿದಕ್ಕೆ ಚಿರಋಣಿ, ನಾನು ಮುಂಬರುವ ದಿನಗಳಲ್ಲಿ ಮಕ್ಕಳ ಶೈಕ್ಷಣಿಕ ಹಾಗೂ ಪಾಲಕರ ಹಿತದೃಷ್ಠಿಯಿಂದ ಶಾಲಾ ಅಭಿವೃದ್ಧಿಗಾಗಿ ಹಗಲಿರುಳು ಪ್ರಾಮಾಣಿಕ ಸೇವೆ ಮಾಡಲು ಸದಾ ಸಿದ್ದವೆಂದು ಹೇಳಿದರು.

ಈ ವೇಳೆಯಲ್ಲಿ ಶಾಲಾ ವತಿಯಿಂದ ನೂತನ ಎಸ್ ಡಿ ಎಮ್ ಸಿ ಅಧ್ಯಕ್ಷ ಖಮರ ಸಾಬ್ ರನ್ನು ಸನ್ಮಾನಿಸಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಶಾಲಾ ಮುಖ್ಯಗುರು ಶಿವಾನಂದ ಬಿರಾದಾರ್, ದೈಹಿಕ ಶಿಕ್ಷಕ ಹನುಮಂತಪ್ಪ, ಶಾಲಿನಿ ಕೆ, ಇಂಗಳಂಬಾ, ಸಂತೋಷಕುಮಾರ ಅಂಬಣ್ಣ, ಹಾಗೂ ಎಸ್ ಡಿ ಎಮ್ ಸಿ ಮಾಜಿ ಅಧ್ಯಕ್ಷ ಮೌನೇಶ ಕೊಡ್ಲಿ, ಎಸ್ ಡಿ ಎಮ್ ಸಿ ಮಾಜಿ ಸದಸ್ಯಬಸವರಾಜ, ಪರಸಪ್ಪ ಗುರಿಕಾರ,ಹಾಗೂ ಶಾಲಾ ಮಕ್ಕಳು ಸೇರಿದಂತೆ ಇತರಿದ್ದರು